За Македонија и за другите нешта: Во Прилеп на екскурзија

Учениците од трета година се подготвуваат за повеќедневната екскурзија. Секоја година во ова време имаме проблеми со изборот на местото каде ќе се оди.

Од желбата за престиж тие посакуваат да одат во некој европски центар како: Будимпешта, Виена, Рим, Париз итн. Еден од аргументите за посета на далечните градови е тоа дека ова им е единствена шанса и дека тешко во животот ќе се одлучат да одат - „таму некаде“.

Водена веројатно од истите побуди и јас во минатото шетав низ Европа и светот. Но, само пред некоја година сфатив дека не сум си ја прошетала мојата Македонија.

И така, сум била во Њу Јорк, Париз, Минхен, Будимпешта, Виена, Истанбул итн., но оваа година за првпат бев во Прилеп. Патот никогаш не ме водел натаму, па затоа една сабота отидов само да го видам.

Патем, го посетив и Стоби кое сум го видела последен пат кога не носеа на екскурзија од основно. Бев изненадена што влезот беше слободен, зашто секаде во светот влезниците за ваквите места се над 8 евра.

За да не се повторувам, фотографиите од Стоби погледнете ги на овој претходен пост.

Од таму фатив право за Прилеп.

Ме изненади убавината и чистотата на градот.

Прилеп - Prilep

Средената стара чаршија,

Прилеп - Prilep

убаво уредениот центар со зеленило и фонтани,

Прилеп - Prilep

со почит кон личностите од минатото,

Прилеп - Prilep

и од приказните (Итар Пејо),

Прилеп - Prilep

со Саат кулата,

Прилеп - Prilep

и со тутунот кој се сушеше во сите дворови и на сите улици.

Прилеп - Prilep

Но она што навистина ме фасцинираше во Прилеп беа Марковите кули.

Всушност целиот рид што се издига над Прилеп ме остави без здив.

На периферијата од градот куќите се граничат со необичните карпи (камења) и со стари ѕидини на подножјето од ридот.