Извештај за екскурзијата со учениците Будимпешта - Виена (денската - светла страна)

Ученичките екскурзии се убаво осмислени, добро организирани и навистина се неповторлива можност да се посетат интересни и убави места низ Европа. Без разлика што Прилеп е мојот прв предлог за екскурзија, сепак, не е лошо да се видат Будимпешта и Виена :)

(Еве една убава страничка за Будимпешта на англиски)

На екскурзија тргнавме попладне во 17.15 часот, во вторникот (19.10.). Автобусите убави, современи, нови, возачите одлични. Македонско-српската граница ја минавме без проблем, но првиот автобус мораше да ги чека подолго време останатите два, заради смената на граничарите. За тоа време се јадеа лесковачки плескавици во лепиња со кајмак, па времето брзо помина. Ноќта помина во патување низ Србија и дел од Унгарија, а околу 10 часот утрото пристигнавме во трговскиот центар Кампона каде прво го посетивме Тропикариумот - Океанариумот. 

Будимпешта

Прекрасно искуство. Тропскиот дел беше отворен и убаво уреден, 

Будимпешта

 аквариумите со најнеобични рипчиња и корали го предизвикуваа вниманието, а големиот аквариум - океан, со проѕирен тунел во средината беше најубавиот дел. Ајкулите и ражите ви поминуваат над глава и може да ги видите од сите страни - па дури и се местеа за сликање...

Океанариум Будимпешта

Океанариум Будимпешта

Океанариум Будимпешта

Океанариум Будимпешта

Океанариум Будимпешта

Океанариум Будимпешта

Во трговскиот сменивме пари, јадевме, пиевме кафе, некој си купи по нешто и се собравме во автобусите за да се сместиме во хотелот. Сместувањето одеше брзо, зашто знаевме со какви соби располагаме, па направивме распоред однапред. Така, до вечерата имавме малку време за одмор од долгиот пат и шетањето цело претпладне. Храната не беше којзнае каква - бел ориз, пржени студени компирчиња и поховани топки од никој не знае што.

По вечерата отидовме во дискотека која беше резервирана само за нас. Ова е вампирскиот дел од екскурзијата и тука одбивам да зборувам за тоа.

Утредента сите станаа за доручек и нè чекаше прекрасен сончев ден за разгледување на градот. Бидејќи бевме голема група - моравме да се разделиме на две. Едните прво одеа на разглед на градот, па потоа на прошетка по Ваци улицата (шетачка зона), а другите обратно. 

Низ градот со автобусот нè водеше локален водич, кој ни зборуваше за градбите покрај кои минувавме - за стадионот, базиликата Св. Иштван, Унгарскиот парламент,

Парламентот Будимпешта

Парламентот Будимпешта

многубројните амбасади сконцентрирани во две улици...

Раскажуваше за историјата на Унгарија, посебно задржувајќи се на нејзината христијанизација и Св. Стефан (Св. Иштван) како прв Унгарски крал - кој ја „открил“ Унгарија (што убав израз си нашле за освојување на териториите од страна на нивните 7 племиња). Стигнавме до големиот Плоштад на хероите каде останавме половина час да го разгледаме и да се фотографираме.

Плоштад на хероите Будимпешта

Плоштад на хероите Будимпешта

Плоштад на хероите Будимпешта

Во негова близина се наоѓа градскиот парк, луна-паркот, зоолошката градина, а градеа големо лизгалиште под мостот до интересниот замок Вајдахунијат кој сè уште се реновираше.

замок Вајдахунијат Будимпешта

Потоа со автобусот отидовме во Рибарските кули - познат објект во Будим, составен од 7 кули (како симбол на седумте унгарски племиња) од каде се гледа Пештанската панорама и покрај кои се наоѓа споменикот на Свети Иштван и црквата Свети Матијаш.

Свети Матијаш Будимпешта

Рибарски кули Будимпешта

Рибарски кули Будимпешта

Споменик Св. Иштван Будимпешта

Рибарски кули Будимпешта

Од таму се упативме на повисок рид - кај Цитаделата каде останал Споменикот на слободата од Втората светска војна и каде погледот кон Пешта беше уште поубав.

Цитадела Будимпешта

Цитадела Будимпешта

Пешта се гледаше како на дланка. Островот Маргит, Замокот Буда, Дунав, мостовите...

Будимпешта

Замокот Буда - Будимпешта

Замокот Буда - Будимпешта

Тука заврши нашата обиколка на градот и имавме 2 - 3 часа за прошетка по Ваци улицата, за ручек, кафе и шопинг.

Ваци улица Будимпешта

Кога се вративме во хотелот немавме многу време за одмор, туку веднаш вечеравме, а вечерта ја поминавме на ноќно крстарење по Дунав со поглед кон осветлените објекти, па потоа во дискотека во посмирен амбиент од претходната вечер. 

Третото претпладне го поминавме во најубавата зоолошка градина што досега сум ја видела (а секаде одам во зоолошки). Навистина се воодушевив. Секое ќошенце, секоја куќа, секоја патека, секое растение, секое животно е најрепрезентативно.

влезот во зоолошката Будимпешта

во зоолошката во Будимпешта

во зоолошката во Будимпешта

во зоолошката во Будимпешта

во куќата на нилскиот коњ

во зоолошката во Будимпешта

во зоолошката во Будимпешта

милооооо

во зоолошката во Будимпешта

во зоолошката во Будимпешта

во зоолошката во Будимпешта

во зоолошката во Будимпешта

во зоолошката во Будимпешта

во зоолошката во Будимпешта

во зоолошката во Будимпешта

во зоолошката во Будимпешта

во зоолошката во Будимпешта

во зоолошката во Будимпешта

Попладнето мораше да се купи нешто, па отидовме во трговскиот Арена, а вечерта, со мал отпор од страна на учениците отидовме на Чарда - национален ресторан со вечера и национален танц.

Четвртото утро тргнавме кон Виена.

Аристократската убавина ги плени сите. Навистина прекрасен град. Прошетавме низ него, а потоа направивме и двочасовен панорамски разглед со локален водич.

Виена

Виена

Виена

Виена

Виена

Виена

Виена

Виена

Виена

Вечерта околу 18 часот се упативме кон нашата ни Македонија, а стигнавме во 10 наутро, преморени и здрвени од неудобното спиење во автобусот.

Фала богу, се вративме живи и здрави - сите.

Иако е убаво да шетне човек - се фаќам себеси колку без емоции таму фотографирав и колку исто така рамнодушно пишувам за екскурзијава. Така си е - за мене емоции предизвикува само Македонија и ништо друго....