За официјалната веб-страница и други работи

Во нашето училиште има многу ученици кои навистина ги бива. Јас, бидејќи сум некој демек, кобајаги итн. помошник (технички) директор, се занимавам со технички работи, а и со сите проблеми што патем ќе се појават.

Ама... најмногу ги ценам оние професори и ученици кои покрај она основното што се бара од нив (да го отседат часот), ќе направат и чекор напред, односно нешто корисно за училиштето. Тие не се малку, но јас би сакала да се повеќе, особено учениците кои треба да даваат свежината и нови идеи, и да се вложуваат повеќе.
Некој следен пат ќе ги испофалам професорите, но сега, бидејќи поводот е веб-страницата ќе ги фалам учениците.
Прво, еве ја врската со нашата нова ВЕБ-СТРАНИЦА.

(Со мала напомена дека страницата не е довршена и треба да ја храниме, со податоци, се разбира).

Таа е дело на нашиот ученик Дамјан Дугалиќ.

Освен страницата, Дамјан е вклучен и во многу други активности. Глуми во претстава, го уредува училишниот весник, држи часови за веб-дизајн итн.

До Дамјан стои Томче. И тој, на друг начин, дава многу за нашето училиште. Глуми во сите претстави, глуми во филмот што го снимаме (понекогаш тресе глупости на „Ѕвон“), но го претставува училиштето на најдобар начин.

Тука, не смаем да пропуштам да ги пофалам Иван и Калина од А4а. Иван е вистински фото-уметник, а Калина е неговата подобра страна. Без нив немаше да постои весникот на ГУЦ и сите интересни фотографии (како и насловната фотографија на веб-страницата), и сите добри текстови.

Нема да го пропуштам и Гаврил, кој исто така учествува во создавањето на фото-сториите, кој учествува во сите натпревари, семинари, работилници и кој ни е претседател на младинскта организација.

Има и многу други, кои сега ќе ми простат што не сум ги спомнала, но ќе ги спомнам следниот пат. Сепак, овие неколкумина се носители на нашите проекти.

И, пред да ја завршам приказнава, само уште нешто...

Пред некое време им предложив, односно им дадов задача на учениците на кои им предавам, да направат блогови со било каква содржина. Имаше доста убави блогови, но никој не се потруди да го заокружи блогот, да го дополни со повеќе содржини. Затоа ќе издвојам само два блога кои ми се допаднаа:

фенг шуи

броштица

И групата ГУЦ на фејсбук создадена од Ајро.